Núñez Feijóo di que as medidas anticrise chegan tarde

O presidente do PP di que as medidas do Goberno chegan tarde e que son os cidadáns e as pequenas e medianas empresas os que pagan a inflación. Alberto Núñez Feijóo espera que o Goberno rectifique a súa política económica e atenda as súas propostas, que incluían a rebaixa do IVE de xeito excepcional á luz e ao gas. 

O líder da oposición asegura que España aumentou a súa débeda pública o dobre ca o resto dos países da UE e que o Executivo está gastando en moitas cousas innecesarias, en lugar de axudar as familias a conter o impacto da inflación.