Feijóo volve pedir que o papa Francisco visite Santiago en 2022
Feijóo volve pedir que o papa Francisco visite Santiago en 2022
Destacou que os seus dous predecesores, Xoán Paulo II e Bieito XVI, acudiron á capital galega
O presidente da Xunta, Alberto Núñez Feijóo, volveu pedir este venres que o papa Francisco visite Santiago de Compostela en 2022. Destacou que os seus dous predecesores, Xoán Paulo II e Bieito XVI, visitaron Galicia.
Así o manifestou durante unha breve intervención nun almorzo celebrado no mosteiro de San Martiño Pinario co gallo dunha peregrinación organizada esta semana pola Conferencia Episcopal Española.
A este acto tamén acudiron o nuncio do Vaticano en España, Bernardito Auza; o arcebispo de Santiago, Julián Barrio; o alcalde da cidade, Xosé Sánchez Bugallo; o presidente da Conferencia Episcopal, Juan José Omella, e o cardeal Antonio María Rouco Varela.
Feijóo agradeceu ao Sumo Pontífice a prolongación do Ano Santo a 2022 e aproveitou para reiterar a súa petición de que Francisco veña a Santiago o próximo ano, como xa fixeron os seus predecesores.
"O nuncio sempre adoita traer boas noticias a Santiago. El saberá se pode darnos algunha ou non", engadiu o presidente da Xunta, a pesar de que o representante do Vaticano en España non interveu no acto.
Feijóo mostrouse "moi satisfeito co Papa" por prorrogar o Ano Santo 2021 a 2022 pola incidencia da pandemia da covid-19.