Facemos un repaso da exposición 'Ser Noutras' coa súa comisaria
'Ser Noutras' fai dialogar destacadadas obras galegas do Reina Sofía con outras inéditas creadas para esta mostra
Entretece as voces de 45 artistas da nosa Comunidade, dos séculos XX e XXI
'Diálogos coa colección de arte galega do Museo Reina Sofía', ata o 28 de marzo no Museo Gaiás
Se puidesen falar, artisticamente falando, Maruja Mallo, Julia Minguillón ou Virxilio Viétez con Andrea Costas, Julia Huete ou Lois Patiño, que se dirían? Como sería ese diálogo? Pois algo así como o que podemos ver na mostra 'Ser Noutras'.
Neste especial de 'teatro visual' deseñado por Marta Pazos, trinta obras de arte galega pertencentes á colección do Museo Reina Sofía entran en diálogo con creadores e creadoras do panorama galego actual.
Ese é o punto de partida desta exposición comisariada por Verónica Santos Farto e Chus Martínez Domínguez que xa podemos visitar no Museo Centro Gaiás.
