Fabiola García destaca as políticas de conciliación na fin da viaxe por América Latina

​A conselleira de Política Social, Fabiola García, puxo fin a viaxe institucional de cinco días por América Latina cun encontro con centos de galegos da Arxentina.

Fabiola García agradeceu o bo recibimento por parte de todas as entidades e salientou o labor que realizan. Ademais, destacou ademais as iniciativas creadas para facilitar a conciliación familiar e que sitúan a Galicia como referente e puxo en valor o modelo de coidados e atención aos maiores.
 

 

Neste encontro tamén estivo o delegado da Xunta na Arxentina, Alejandro López, e contou coa participación do presidente da Xunta, a través dun vídeo, no que agradeceu a toda a colectividade o seu esforzo por manter vivos os vínculos con Galicia.

A conselleira recordou que unha das prioridades da Xunta é ofrecer facilidades a todas as familias, as que xa residen e as que queren iniciar os seus proxectos de vida na comunidade, e que se traduce en iniciativas como a gratuidade da educación infantil. Así pois, explicou que Galicia é o único territorio de España que ofrece educación 0-3 de balde para todas as familias e en todas as escolas.