Explosión nos arredores da embaixada dos Estados Unidos en Oslo

A Policía norueguesa investiga unha forte explosión rexistrada esta madrugada na contorna da embaixada dos Estados Unidos e que, segundo os primeiros datos, non deixou vítimas.

Nestes momentos hai un amplo operativo policial despregado na zona para manter a seguridade nos arredores da legación diplomática e tratar de esclarecer as causas do estoupido que provocou unha gran columna de fume.

O incidente prodúcese nun momento de máxima alerta nas embaixadas estadounidenses debido á guerra que libra, xunto con Israel, contra Irán.