Estabilizado o incendio de Chandrexa de Queixa

O incendio que se rexistra no concello ourensán de Chandrexa de Queixa, na parroquia de Fitoiro, quedou estabilizado contra as 21:00 horas deste sábado, segundo confirmou a consellaría do Medio Rural.

Un amplo operativo, con medios terrestres e aéreos, traballou arreo para perimetrar as lapas, que prenderan a media tarde, e que calcinaron unhas 15 hectáreas. Segundo lle confirmou á Radio Galega o alcalde, Francisco Rodríguez, o incendio xa non supón perigo ningún.