Espinosa de los Monteros asegura que Vox lle abriu un expediente para expulsalo do partido

O exportavoz parlamentario de Vox Iván Espinosa de los Monteros anunciou este xoves que a formación presidida por Santiago Abascal lle abriu un expediente para expulsalo do partido e que o fixo o mesmo día que o presidente da Xunta de Andalucía, Juanma Moreno, convocou as eleccións.

"O luns pasado sobre as 20:30 horas, Juanma Moreno convoca eleccións anticipadas en Andalucía. Dúas horas e media máis tarde, ás 23:01, Vox comunícame que me abre expediente para expulsarme do partido", explicou nunha mensaxe que publicou na rede social 'X'.

El lunes pasado sobre las 20:30 hrs, JuanMa Moreno convoca elecciones anticipadas en Andalucía.

Dos horas y media más tarde, a las 23:01, Vox me comunica que me abre expediente para expulsarme del partido.

— Iván Espinosa de los Monteros (@ivanedlm) March 26, 2026

Nas últimas semanas, quen foi tamén secretario xeral de Vox lanzou un manifesto, xunto a outros exdirixentes e críticos coa dirección nacional, como Javier Ortega Smith, para a celebración dun congreso aberto a todos os afiliados para debater sobre a estratexia do proxecto político e os ámbitos de mellora na organización.

Espinosa de los Monteros, que deixou a dirección do partido en 2023, afirmou na súa conta de X que a actual estratexia de Vox consiste en encerrarse en si mesmo, atacando a todo e a todos os que mostran non xa un criterio distinto, senón simplemente estupor ante a situación que eles mesmos crearon. "A actual dirección mostra capacidade para reter, pero non para ensanchar", opinou.

Outra da cara máis críticas coa dirección de Abascal, o deputado Javier Ortega Smith, foi expulsado a principios de marzo de Vox. O Comité de Garantías sinalou que cometera unha infracción moi grave tras frustrar a súa substitución na portavocía da formación no Concello de Madrid, o cal provocou que fose expedientado por desobediencia e suspendido de militancia.