O Celta empata en Vallecas (1-1) e segue sen gañar esta temporada
Borja Iglesias adiantou aos vigueses á volta do descanso
De Frutos acadou o empate do Raio
O equipo vigués suma cinco puntos en seis partidos
Minuto a minuto
Ás 14:00h comeza o partido de Vallecas: Raio Vallecano - Celta. Este é o XI inicial de Claudio Giráldez no equipo vigués
𝑷𝒐𝒍𝒐 𝑹𝒆𝒂𝒍 𝑪𝒍𝒖𝒃 𝑪𝒆𝒍𝒕𝒂... 𝒙𝒐𝒈𝒂𝒓𝒂́𝒏... 🩵#RayoCelta ⋄ #LALIGAEASPORTS pic.twitter.com/lcyX2hHon7
— Celta (@RCCelta) September 21, 2025
E este é o XI inicial de Íñigo Pérez no Raio
⚡ Once del Rayo Vallecano elegido por Íñigo Pérez para enfrentarse al @RCCelta.#RayoCelta #VamosRayo pic.twitter.com/Q2TauDfmfc
— Rayo Vallecano (@RayoVallecano) September 21, 2025
Comezou o partido en Vallecas. Raio 0-0 Celta
Primeira ocasión do Raio. Remata desde a frontal Lejeune e, despois de bater o balón en Ristic, marcha a córner
Gran ocasión do Celta!! Centra desde a esquerda Bryan Zaragoza, toca atrás Javi Rueda, e Borja remata raso. Salva o gol Batalla
Remate de Pedro Díaz desde a frontal que marcha moi preto do traveseiro de Radu
Agora é Manu Fernández o que remata alto desde lonxe
Tira Ristic desde moi lonxe, e o balón marcha a córner despois de bater nun rival
Balón en profundidade buscando a Álvaro García, e Radu está moi atento para adiantarse na saída. A xogada queda invalidada por fóra de xogo, e o porteiro queda mancado no campo
Borja Iglesias gáñalle as costas á defensa, pero o seu control diante de Batalla é un chisco longo, e o porteiro chega antes para evitar o man a man
Descanso en Vallecas. Non hai goles de momento entre o Raio e o Celta
Segunda parte en xogo!!
Saída moi forte dos vestiarios para o Raio Vallecano. Primeiro proba sorte Álvaro García e despois De Frutos
Gran acción individual de Bryan Zaragoza e disparo con moito perigo que obriga a intervir a Batalla
GOOOOOOOOL DO CELTA. Saque de córner que remata, case sen querer, Borja Iglesias á rede!!!!
Pedro Díaz busca o remate desde fóra da área pero non atopa a porta de Radu
Xogada persoal de Bryan Zaragoza, que busca o remate raso ao primeiro pau. Detén Batalla
GOL do Raio. Centra Álvaro desde a esquerda, e remata De Frutos dese a frotal da área pequena. Raio 1-1 Celta
Balón en profundidade de Ristic ao que non chega por milímetros Bryan Zaragoza. Despexa o perigo Batalla
Agora é Alemao o que proba fortuna desde a frontal, e ten que sacar de xeito espectacular Radu
De Frutos gáñalle a disputa a Yoel Lago e Radu salva o gol no man a man
Gran xogada de Jutglá, que regatea e remata na área pequena. Saca Batalla a córner
Córner do Raio ao primeiro pau, e toca Borja o xusto para impedir que marque Alemao
Unai López ten a última do partido. O seu disparo buscando a escadra marcha por moi pouco
Final do partido en Vallecas. Raio 1-1 Celta. Quinto empate do Celta esta temporada
