En directo Celta 1-1 Xirona
O Celta busca a primeira vitoria da temporada diante do pechacancelas
Foto: EFE
Minuto a minuto
Ás 14:00h comeza o partido de Balaídos entre o Celta e o Xirona. Este é o XI titular de Claudio Giráldez
𝑷𝒐𝒍𝒐 𝑹𝒆𝒂𝒍 𝑪𝒍𝒖𝒃 𝑪𝒆𝒍𝒕𝒂... 𝒙𝒐𝒈𝒂𝒓𝒂́𝒏... 🩵#CeltaGirona ⋄ #LALIGAEASPORTS pic.twitter.com/5Zfvo5xUxx
— Celta (@RCCelta) September 14, 2025
E este é o equipo titular de Míchel por parte do Xirona
𝐎𝐍𝐙𝐄! 💛#CeltaGirona pic.twitter.com/ICO5cbORpe
— Girona FC (@GironaFC) September 14, 2025
Comezou o partido en Balaídos. Celta 0-0 Xirona
Primeira ocasión para o Celta. O balón cáelle a Iago Aspas, pero o moañés non é quen de rematar a porta
GOL do Xirona. Logo dunha posible falta sobre Jutgla, que non concede o colexiado, marca Vanat de tiro cruzado. Celta 0-1 Xirona
Está facendo dano o Celta polas bandas. Ao centro agora de Mingueza, desde a banda esquerda, non chega Jutglá por milímetros
Disparo lonxano de Pablo Durán, que marcha arriba
O que tira agora é Joel Roca, e atrapa seguro Radu
Ocasión do Xirona, nun centro desde a esquerda que cabecea Iván Martín ás mans de Radu
Reamata Jutglá desde a esquerda, e saca Gazzaniga a córner
Xogadón do Celta ao primeiro toque, tocan Aspas e Ilaix e remata Juglá preto do pau
Omnipresente Jutglá, agora conduce un ataque rápido e opta polo lanzamento preto da escadra
Descanso en Balaídos. Decide polo momento o gol de Vanat na primeira aproximación do XIrona. O Celta acumulou ocasións, especialmente nas botas de Jutglá, pero marcha ao descanso sen premio
Comeza a segunda metade en Balaídos con vantaxe mínma do Xirona
Gran ocasión do Celta!!Entra Carreira pola banda dereita, asiste a Jutglá, e o remate de primeiras do dianteiro sácao a córner Gazzaniga
Proba fortuna o autor do gol, Vanat, e detén Radu con seguridade
Agora é Hugo Sotelo o que dispara desde lonxe, pero para Gazzaniga
Bryan Gil asiste a Portu, que remata. Para con seguridade Radu
Ocasión clarísima do Celta. Cae Iago Aspas, que pide penalti, e o balón queda morto para que o recolla Mingueza. Remata o catalán e responde Gazzaniga con outro paradón
Entra con todo Starfelt á saída dun córner, e a súa cabezada marcha por pouco. O sueco entrou no campo hai uns minutos despois de encadear dúas lesións
Remata Ilaix Moriba, e a pelota marcha preto da escadra
Portu rouba un balón perigoso, e ten que sair rápido Radu para evitar o gol no man a man
Dobre ocasión agora para o Xirona, cun remate de Asprilla que saca Radu, e un segundo de Bryan Gil que rexeita Starfelt
Ataque rápido do Celta, cunservizo desde a dereita ao que non chega Borja a empuxala por moi pouco
Volve rematar de cabeza Starfelt, e volve deter sobre a liña Gazzaniga
A réplica agora do Xirona, cun remate abaixo de Van de Beek que para Radu en dous tempos
PENALTI a prol do Celta!!! Patada de Blind sobre Javi Rueda ánun baón na área, e o árbitro non o dubida.
GOOOOOOOOOOOL do CEEEELTA!!!!!! Empata Borja Iglesias, que volve igualar un resultado no tempo engadido por segunda semana consecutiva!! Celta 1-1 Xirona
