Empate do Deportivo Abanca, que complica o futuro na categoría

O Deportivo Abanca empatou diante do DUX Logroño (0-0) e perdeu unha grande oportunidade para evitar o 'play out' de permanencia. O DUX era o quinto clasificado, equipo que marca o corte da salvación directa na segunda categoría do fútbol feminino español, con dous puntos de vantaxe sobre as coruñesas. Tiñan na man superar a un rival directo pero non estiveron atinadas cara a porta contraria. E iso que xogaron contra dez durante cincuenta minutos.