Dúas persoas quedan feridas tras unha colisión ao seu paso por Sanxenxo
Urxencias Sanitarias-061 mobilizou dúas ambulancias de soporte vital básico e unha ambulancia de soporte vital avanzado
Concello de Sanxenxo
Un home de 73 anos de idade, A. J. O. F., e unha muller de 67 anos, V. M. Z., quedaron feridos este martes tras producirse unha colisión entre dous vehículos na AG/AG-41, ao seu paso polo termo municipal de Sanxenxo
Segundo informou o CIAE 112 Galicia, o accidente produciuse algo antes das 8:00 horas, cando os servizos de emerxencias recibiron un aviso pola colisión de dous vehículos, que acabaron envorcando no quilómetro 17 da AG/AG-41, á altura do parque empresarial de Nantes.
Os condutores dos vehículos, que obstaculizaban a circulación, lograran saír antes de que chegasen os servizos de emerxencias.
Urxencias Sanitarias-061 mobilizou dúas ambulancias de soporte vital básico e unha ambulancia de soporte vital avanzado. Finalmente, as persoas feridas foron trasladadas ao hospital Quirón Miguel Domínguez.
Así mesmo, no operativo participaron bombeiros do Salnés, o GES de Sanxenxo, Garda Civil de Tráfico e Policía Local, ademais dos servizos de mantemento da estrada.
