Doutor Vilariño, urólogo do HULA e centrocampista da Sarriana
A fase galega de ascenso a Segunda Federación presenta un derbi de emocións fortes entre a Sarriana e o Rácing Vilalbés
A fase galega de ascenso a Segunda Federación presenta un derbi de emocións fortes e mexada longa entre a Sarriana e o Rácing Vilalbés. Para analizalo, ninguén mellor que o doutor Vilariño, urólogo do Hula e centrocampista da Sarriana.
"Será un duelo moi bonito e disputado".
En 2013 Keko apareceu como unha das grandes promesas do fútbol galego. Con 17 anos debutou co Lugo, foi internacional sub 18 con España e o rematar a temporada fichou polo Levante.
Pero chegou un momento no que tivo que elixir e Keko optou por converterse no doutor Vilariño. Unha decisión que aconsella a calquera que teña esa dúbida.
"O día de mañá debes ter algo seguro. Que nunca deixen de estudar".
A Sarriana afronta a eliminatoria co factor campo a favor, pero Keko non o pensa así. Neste novo derbi, o doutor Vilariño pasa consulta.
