Dous novos radares na N-541, á altura do concello de Cerdedo-Cotobade

O primeiro dos radares é fixo e vémolo na marxe dereita da estrada sentido Pontevedra na parroquia de Tenorio, preto dunha curva e totalmente visible. 

Se continuamos conducindo por esta estrada en dirección Ourense atopamos o segundo, un radar de tramo situado á entrada do núcleo urbano de Cerdedo. 

Ambos dispositivos tratan de controlar o exceso de velocidade na N-541, unha estrada polémica pola acumulación de sinistros durante os últimos anos. Un dos máis soados, o do autobús que deixou sete falecidos ao precipitarse polo viaduto de Pedre na Noiteboa do 2023. Un suceso que reavivou as reclamacións de melloras urxentes na estrada. 

A DXT informará nos próximos días da data en que entrarán en funcionamento os dous novos dispositivos. Logo haberá un mes de proba no que os usuarios que excedan os límites establecidos recibirán unha carta informativa sen sanción.