Dous irmáns de Ourense, os mellores de Galicia en matemáticas

Raquel cursa segundo de bacharelato e Pablo, terceiro de ESO. A estes dous irmáns Freire Fernández úneos tamén o coñecemento matemático. Lograron os dous primeiros postos no podio na fase galega da Olimpíada. Raquel xa sabe o que estar na seguinte rolda.

"É curioso cando alguén che pregunta 'e que gañaches?'. Pois a recompensa por facer un exame moi difícil e competindo con xente moi preparada. E se sae mellor, pois aínda máis complicado", Raquel Freire Fernández, medalla de prata na Olimpíada Matemática en Galicia.

"Apréndenos as matemáticas cun enfoque distinto e moi bonito; non esas operacións interminables que nos poñen no instituto", di Pablo, que logrou a medalla de Ouro.

Estudan no instituto público das Lagoas, en Ourense. Pero satisfán toda a súa inquietude matemática no proxecto Estalmalt da Universidade compostelá.

Carlos Ferreiro, profesor de matemáticas no IES As Lagoas de Ourense, explica: "Eles adéstranse sen problemas, que son moi distintos aos que adoitan facer en ESO e bacharelato, con estratexias moi creativas, moi persoais".

Con el adéstranse para as probas que lles agardan no concurso nacional en Calatayud. Será un evento similar a este celebrado en Ourense en 2019. Tamén logrou o pase o redondelán David Lago para esa competición prevista en marzo:

"Vai consistir nun exame de resolución de problemas máis difícil que a fase galega, porque participa xente moito máis preparada", di Pablo.

E que, ademais teñen un coñecemento e concepto das matemáticas que sae do normal:

"A concepción que a xente ten das matemáticas é facer contas e contas sen ningún tipo de motivación detrás. Realmente, as matemáticas son estruturas e formas de pensar que podes aplicar para case calquera cousa, e a partir de aí aprender comportamentos de certos tipos de problemas ou saber máis ou menos o que vai pasar a continuación", conclúe Raquel.