Dotor adéstrase con normalidade e Luca de la Torre á marxe do grupo
Dotor adéstrase con normalidade e Luca de la Torre á marxe do grupo
Claudio Giráldez tamén contou co atacante sueco Williot Swedberg, que aínda non ten o alta médica pero xa está practicamente recuperado
O centrocampista Carlos Dotor, operado o pasado 10 de febreiro dunha pubalxia, exercitouse ao mesmo ritmo que os seus compañeiros no adestramento deste luns na cidade deportiva Afouteza, mentres que o internacional estadounidense Luca de la Torre volveu realizar traballo individual.
O exfutbolista do Real Madrid apura a súa recuperación para reaparecer co Celta antes de que finalice a tempada. Na súa primeira tempada en Balaídos, Dotor disputou 16 partidos de Liga (688 minutos) e 2 da Copa do Rey (180 minutos).
O seu último partido de Liga xogouno o pasado 28 de xaneiro ante o Xirona. Na primeira sesión de adestramento da semana, Claudio Giráldez tamén contou co atacante sueco Williot Swedberg, que aínda non ten a alta médica pero xa está practicamente recuperado da escordadura de nocello que sufriu ante o Cádiz a finais de febreiro, e con Damián Rodríguez, que esta fin de semana xogou co filial.
Á marxe do grupo segue traballando o lateral esquerdo serbio Mihailo Ristic despois de sufrir a mediados de febreiro unha rotura fibrilar de grao I no bíceps femoral esquerdo
