Detida unha muller por prender lume á súa parella en Xiva
Os feitos ocorreron este xoves á noite no domicilio familiar, e, segundo adianta o diario Las Provincias, a vítima foi trasladada ao centro de saúde nun vehículo policial e despois ingresou en estado moi grave na Unidade de Queimados do Hospital La Fe de Valencia
Ao parecer, segundo este xornal, a muller asperxeu na súa parella, mentres durmía, líquido inflamable que utilizaban na vivenda para acender a estufa, e a vítima saíu por unha das xanelas da casa para pedir axuda
Garda Civil
Unha muller de 48 anos foi detida tras prender lume á súa parella, un home de 49, na localidade valenciana de Xiva, informaron a EFE fontes da Garda Civil.
Os feitos ocorreron a noite deste xoves no domicilio familiar e, segundo adianta o diario Las Provincias, a vítima foi trasladada ao centro de saúde nun vehículo policial e despois ingresou en estado moi grave na Unidade de Queimados do Hospital La Fe de València.
Ao parecer, segundo este xornal, a muller asperxeu na súa parella, mentres durmía, líquido inflamable que utilizaban na vivenda para acender a estufa, e a vítima saíu por unha das xanelas da casa para pedir axuda. A filla da parella, de 16 anos, estaba na casa cando se produciu a agresión.
