Desartellada unha banda que estafou duascentas vítimas con chamadas fraudulentas
Facíanse pasar por empregados bancarios ou como clientes en plataformas de compravenda
Conseguiron estafar case medio millón de euros
A Policía Local detivo dezaseis persoas en Cádiz, dos que cinco xa ingresaron en prisión
A Policía Nacional desartellou en Cádiz unha organización criminal que supostamente estafou case medio millón de euros a través de chamadas telefónicas fraudulentas, unha técnica que se coñece como o vishing.
Hai dezaseis detidos, cinco deles ingresaron xa en prisión provisional. A investigación estima que a fraude afectou a 207 persoas. Os investigados empregaban as modalidades do falso empregado bancario ou do bizum inverso para enganar as vítimas.
A estafa do "falso empregado" consiste en contactar telefonicamente coas vítimas facéndose pasar por xestores do departamento de seguridade das súas entidades bancarias para gañar a súa confianza e informalos enganosamente dunha intromisión nas súas contas.
Na técnica do bizum inverso, contactan telefonicamente coa vítima para amosar o seu interese en mercar un produto anunciado nunha plataforma de compravenda.
"A vítima remata aceptando unha solicitude de bizum mandando cartos baixo a crenza de estar recibíndoo", explica Cristina Morales, voceira da Policía Nacional.
.png)
