Coudet quere redimirse diante do Xetafe: "Prefiro que non me ratifiquen"

O Celta pecha a 11ª xornada de Liga este luns ante o Xetafe coa sensación que ten que mellorar a imaxe e, sobre todo, os últimos resultados. Coudet compareceu esta tarde ante os medios e recoñeceu que os últimos 20 minutos fronte o Valladolid foron unha desfeita.

O adestrador reivindicou o fútbol do Celta: "Conseguimos máis eloxios que puntos", asegurou o preparador arxentino consciente de que o seu posto depende dos resultados. Coudet non quixo escapar das preguntas sobre o seu futuro e asegurou que prefería que non o ratificaran porque iso significaba "que estaba no forno".