Consumo pide non lanzar residuos á vía pública para evitar a propagación da peste

A Axencia Española de Seguridade Alimentaria e Nutrición (Aesan), dependente do Ministerio de Dereitos Sociais, Consumo e Axenda 2030, pediu á poboación que non lance desperdicios orgánicos á vía pública nin a zonas de paso dos xabarís para evitar a propagación da peste porcina africana (PPA).

Nunha publicación en X, a Aesan lembrou este mércores que a PPA é unha enfermidade vírica que afecta a porcos e xabarís e causa unha elevada mortalidade entre eles, pero é virus inocuo para os seres humanos.

🐷🐗 La peste porcina afecta a cerdos y jabalíes y es inocua para el ser humano.

🚮🚯 Es importante que no se tiren desperdicios orgánicos a la vía pública ni a zonas de paso de estos animales. pic.twitter.com/1pUjXzBw6Y

— AESAN (@AESAN_gob_es) December 3, 2025

A carne e derivados cárnicos procedentes de porcos e xabarís infectados polo virus tamén son unha vía de transmisión da enfermidade entre estes animais, pero "non se transmite nin por contacto nin polo seu consumo", incidiu. 

O Goberno reunirase esta semana con sector agrario e cooperativas agroalimentarias

O Goberno reunirase esta semana con organizacións agrarias e cooperativas agroalimentarias de España para abordar a situación xerada tras a detección de varios focos da Peste Porcina Africana (PPA) en xabarís na provincia de Barcelona.

O ministro de Agricultura, Pesca e Alimentación, Luis Planas, adiantouno este mércores en declaracións aos medios de comunicación antes de inaugurar a gala de entrega dos premios da Guía Evooleum.

Nese encontro co sector, o ministro tratará de coordinar accións e informarlles de todas as actuacións que se están levando a cabo.

Polo demais, incidiu en que o Goberno central está a facer "moitas xestións" para conseguir que países terceiros que agora non contemplan a rexionalización terminen aceptándoa, para que só prohiban a entrada de produtos españois do porco desde as zonas afectadas e non desde todo o país.