"Temos que modernizar as nosas normas, nun marco laboral xusto"
"Temos que modernizar as nosas normas, nun marco laboral xusto"
Isabel Rodríguez, ministra voceira do Goberno. Foto: EFE/Javier Lizón
O Goberno reúne este martes o Consello de Ministros, en xuntanza ordinaria. Tras o Consello o presidente do Goberno, Pedro Sánchez, reuniuse coas vicepresidentas Nadia Calviño e Yolanda Díaz e alcanzaron un consenso para derrogar a reforma laboral.
Minuto a minuto
Comeza a conferencia de prensa
Comparece a ministra voceira do Goberno Isabel Rodríguez
"Seguimos coa atención posta na illa da Palma. Temos un compromiso cos palmeiros e palmeiras", asegura a ministra que comunica un novo acordo, neste caso do Ministerio de Agricultura para reparar danos do sector na illa canaria
O Goberno aproba un orzamento de case cen millóns de euros para case novecentas persoas en axudas para a formación do profesorado universitario.
Isabel Rodríguez comunica un acordo entre o Goberno e a Organización Nacional de Cegos para un plan de emprego
Comeza a quenda de preguntas
"O Goberno ten claro o obxectivo. Temos claro que temos que modernizar as nosas normas laborais, nun marco laboral xusto", di Isabel Rodríguez o acordo para derrogar a reforma laboral.
"Unha recuperación xusta esixe dun marco de relacións laborais xusto", di a voceira do Goberno.
"O Goberno respecta sempre as disposicións xudiciais", di Isabel Rodríguez sobre a sentenza do Tribunal Constitucional sobre a pena de prisión permanente revisable.
"O obxectivo está claro, e creo que nunca tivemos dúbidas", explica a voceira do Goberno sobre o acordo para derrogar a reforma laboral. Isabel Rodríguez asegura que "temos que dotarnos do mellor sistema de relacións laborais".
Sobre a renovación do Tribunal Constitucional asegura que "nós facémonos cargo dos nosos nomeamentos e sobre aqueles máis polémicos preguntenlles a quen os propuxo".
Finaliza a conferencia de prensa
