Publicador de contidos

Publicador de contidos

A Xunta adianta a comezos de 2023 o complemento de pensións non contributivas

A Xunta adianta a comezos de 2023 o complemento de pensións non contributivas

O Goberno galego tamén aprobou este xoves unha nova convocatoria das axudas ao alugueiro

G24.gal 24/11/2022 11:30 Última actualización 24/11/2022 14:52

A Xunta adiantará o ano que vén o pago do suplemento autonómico das pensións non contributivas ao primeiro trimestre de 2023, en lugar de finais de ano, como é habitual, e adaptará a súa contía á inflación.

Así o anunciou o presidente da Xunta, Alfonso Rueda, ao informar da aprobación, na reunión semanal do Goberno galego, do complemento para este ano, que se aboará antes de finalizar o ano a 37.000 pensionistas galegos, que recibirán 206 euros, o que supón un total de 8 millóns de euros.

O Goberno galego tamén aprobou este xoves unha nova convocatoria das axudas ao alugueiro, cunha partida total de 13,7 millóns de euros, para subvencionar a vivenda a entre 3.000 ou 4.000 familias con rendas baixas.

As axudas cubrirán ata un 50 % do alugueiro, sempre que non supere os 600 euros nas cidades, 500 en vilas periurbanas, e 400 no resto de municipios galegos, e a contía máxima será de 300, que se poderá percibir ata un máximo de cinco anos. 

Na xuntanza deste xoves, o Goberno da Xunta tamén aprobou as bases da carreira profesional do persoal do SERGAS, tanto fixo como temporal, 6 millóns de euros para a mellora de parques empresariais e un investimento de 9 millóns para investigación nas universidades galegas. En concreto son 5 millóns destinados a financiar os 8 centros de investigación acreditados nas universidades galegas e 4 millóns máis destinados a convenios específicos coas universidades para gastos correntes.

 

O Consello da Xunta tamén acordou nomear embaixador de honra do Camiño de Santiago a Víctor Vázquez Portomeñe pola súa "contribución a mellorar o coñecemento internacional da Ruta Xacobea", dixo Rueda

Este Consello da Xunta tamén aprobou as bases da carreira profesional do persoal do Sergas, tanto fixo como temporal.

Publicidade
Publicidade
Publicidade
Publicidade
Pódeche interesar

Publicador de contidos