Chris Ramos destaca que o éxito do Lugo está na unidade dos xogadores

Autor dos dous goles na última vitoria ligueira, Chris Ramos compareceu esta mañá en sala de prensa para anlizar o momento polo que atravesa o equipo, en plena semana de preparación do duelo ante o Deportivo Alavés.

O dianteiro falou da súa adaptación posicional, dos tantos logrados en Zaragoza, e do escenario esperado o sábado:

"O outro día fixemos un gran partido. Todo o mundo sumou, somos unha piña, viuse no gol. É a esencia deste equipo" 

"Podo xogar en diferentes posicións do ataque. É verdade que na punta gústame desenvolverme tamén. Estou para axudar o equipo"

"Imos collendo os conceptos que quere o míster. Imos de menos a máis, e seguro que ofreceremos moito máis co paso das semanas"