Chapela busca a fazaña nunha última fin de semana de ACT que visita Galicia

Juan Zunzunegui prepara a traiñeira e bota contas. Só quedan dúas xornadas para o final da ACT e Chapela precisa recuperarlle seis puntos a Ares para evitar o descenso directo. Todo apunta a que a xornada deste domingo, precisamente en Ares, será a decisiva. O sábado, en Cabo da Cruz, as condicións do campo de regatas non serán tan cambiantes pero sí o domingo no que pode acontecer de todo. 

Este ano toda a emoción está na pelexa por evitar o descenso, cos dous galegos e con San Xoán. Chapela ten 49 puntos, cinco menos que Ares -á que lle vale o empate final para evitar o descenso directo- e once menos que San Xoán. Chapela busca a fazaña, darlle a volta á clasificación e manterse na súa estrea na ACT.