Carles Pérez, o xogador do mes de marzo, confía en conseguir "algo bonito"

O Celta xoga o vindeiro luns. Partido en Balaídos ante o Mallorca. Os de Carlos Carvalhal preparan o encontro con Solari como novidade no adestramento. Quedan dez xornadas para o remate da Liga, o Celta é décimo e está agora a catro puntos da sétima praza.

Carles Pérez, elixido polos afeccionados celestes como mellor futbolista do mes de marzo, di que o equipo está capacitado para ir máis arriba.

O catalán foi titular nos tres partidos xogados do mes de marzo e marcou un gol contra o Español. Neste mes de abril estalle a dar continuidade a eses grandes números e mantén a regularidade como un dos indiscutibles para Carvalhal.