Carles Pérez: "Falouse doutros equipos, pero tiña claro que quería vir a Vigo"

A oitava fichaxe do Celta parta este ano xa posou coa celeste. Carles Pérez chega cedido dende a Roma logo dunha longa negociación. Chega a Vigo para reforzar o ataque dos de Coudet. Rápido, polivalente aínda que con querencia a xogar de extremo dereito.

Carles Pérez terá catro días, tres adestramentos, por diante, para convencer a Coudet de que pode debutar co equipo na primeira xornada contra o Espanyol. Ritmo de adestramentos ten, fixo toda a pretemporada co equipo romano. E este martes adestrouse, pero primeiro pasou polo tradicional corredor de lapotes.