Calendario de Primeira División 26/27: volve O Noso Derbi nestas datas
O Celta comeza recibindo a Osasuna e Dépor recibe ao Elche
Os derbis galegos serán en Balaidos o 3 de xaneiro e en Riazor o 18 de abril
Celta Fortuna visitará ao Cádiz na Segunda e o Depor Abanca recibe ao Sevilla na Liga F
RFEF
As principais competicións do fútbol galego xa coñecen os seus calendarios para a temporada 2026-2027, que arrancará o 16 de agosto na Primeira División. Para os equipos galegos, a estrea será na casa. O Celta recibirá en Balaídos ao Osasuna na primeira xornada e pechará a liga en Valencia xogando co Levante. Para o Deportivo da Coruña, na súa temporada de regreso a máxima categoría, estrearase en Riazor co Elche e despedirá a temporada no Bernabeu co Real Madrid.
Tamén coñecemos as datas nas que se celebrarán os derbis galegos. O 3 de xaneiro, na xornada 18, teremos o Celta-Deportivo en Balaidos. A volta en Riazor será o 18 de abril na xornada 32.
Segunda División e Liga F
O Celta Fortuna tamén coñece o seu calendario na Segunda División, que terá a primeira xornada na fin de semana do 16 de agosto. Comezará visitando ao Cádiz e pechará a temporada visitando ao Tenerife.
Pola súa banda, o Depor Abanca comezará o seu camiño na Liga F na semana do 30 de agosto, recibindo na casa ao Sevilla, para pechar temporada en Cataluña co Barcelona.
