Brais Méndez volve exercitarse cos seus compañeiros en Zubieta
Brais Méndez volve exercitarse cos seus compañeiros en Zubieta
Tivo que superar a lesión por fractura no quinto metatarsiano do pé dereito
O centrocampista da Real Sociedade, Brais Méndez, regresou este mércores aos adestramentos para exercitarse xa co resto dos seus compañeiros despois de superar a lesión por fractura no quinto metatarsiano do pé dereito pola que hai 28 días tivo que pasar por quirófano.
Xa o advertiu o adestrador Imanol Alguacil o venres pasado.
"Se todo vai ben, Brais podería estar a adestrar co equipo a semana que vén".
O galego foi, sen dúbida, a nota positiva da xornada en Zubieta, xa que se postula como un reforzo de luxo para a esixente recta final de Liga que se lle presenta ao club txuri urdin.
Son seis os encontros que lle restan á Real na súa pelexa por tratar de repetir clasificación europea por quinta vez consecutiva: Real Madrid, VDE As Palmas, F. C. Barcelona, Valencia C. F., Real Betis e Atlético de Madrid.
