Balaídos completará a reforma en 2027 cun novo investimento de 26 millóns

Se non hai novos contratempos, en 2027 as obras do estadio de Balaídos estarán rematadas por completo. Serían, polo tanto, once anos de obras. Este venres pola mañá, coa presidenta do Celta como testemuña, asinouse o convenio entre o Concello de Vigo e a Deputación de Pontevedra para a reforma da bancada de Gol.

As obras comezarán en xaneiro e terán un tempo de execución de 29 meses. Unha reforma  valorada en mais de 26 millóns, polo que o custo total do estadio superará os 62 millóns de euros. A nova bancada de Gol estará a carón do céspede e disporá de 6.500 localidades.