Aurentino Alonso, novo alcalde do Barco de Valdeorras tras 26 anos de Alfredo García
Aurentino Alonso tomou posesión do novo cargo nunha breve sesión plenaria á que asistiu o líder do PSdeG, José Ramón Gómez Besteiro
O socialista Aurentino Alonso
O socialista Aurentino Alonso foi elixido novo alcalde do Barco de Valdeorras, cargo no que substitúe a Alfredo García, quen levaba no cargo 26 anos, desde 1999.
Alonso tomou posesión do novo cargo, que ata o de agora ocupaba en funcións, nunha breve sesión plenaria á que asistiu o líder do PSdeG, José Ramón Gómez Besteiro.
Aurentino Alonso xa desempeña esta tarefa en funcións desde o día da renuncia oficial de Alfredo García, o pasado 18 de agosto, polo que xa tivo que facerse cargo de momentos delicados á fronte do Goberno local debido aos incendios forestais que afectaron á zona.
O novo rexedor, que leva 15 anos como concelleiro do grupo de goberno socialista no Barco e que foi tamén deputado provincial, buscará dar continuidade aos proxectos do seu predecesor no cargo.
