Atopan canóns dun barco do século XVI afundido na costa de Corrubedo
Hai dous anos localizáronse preto desta zona outros vestixios de barcos afundidos que se cren puideran formar parte da chamada Armada Invencible
Canón localizado na mesma costa de Corrubedo en abril do ano de 2021
Dous canóns e outros restos de artillería que poden pertencer a un barco do século XVI foron atopados mergullados nunha zona marítima das proximidades do cabo de Corrubedo, informa este venres a Armada.
As pezas localizadas inclúen dous canóns de borda antigos de "pequeno tamaño", duns 140 centímetros, e tres cargadores.
Equipos de mergulladores da Armada Española e da unidade da Policía Nacional adscrita a Galicia extraeron os restos do buque este xoves en augas de cabo Corrubedo.
A pezas foron detectadas meses atrás por pescadores e veciños da zona, que advertiron diso ao servizo de Patrimonio da Xunta.
Un equipo de mergulladores detectou nas primeiras inmersións a presenza das pezas antigas e considerou necesario estudar a maneira de recuperalas sen danos para poder efectuar un estudo sobre a súa procedencia.
A mediados de abril do ano 2021 xa foron achados outro par de canóns de bronce tamén dun barco do século XVI, supostamente pertencente á denominada Armada Invencible, no litoral de Espiñeirido, moi próximo á zona onde agora se recuperaron eses restos.
