As Celtas, o nome do novo equipo feminino do club vigués

O Celta presentou este xoves na Madroa o seu novo proxecto, o equipo feminino de fútbol, que se denominará As Celtas. O equipo nace do acordo entre o Celta e a Unión Deportiva Mos. Na festa de presentación puidemos ver a presidenta Marián Mouriño e unha gran representación do primeiro equipo masculino. O novo proxecto nace coa intención de crear canteira e unha identidade propia. O equipo chamarase As Celtas e adestrarase no campo da Madroa, onde se anunciaron reformas.