Arteixo acolle a primeira proba do Campionato do Mundo de trial de 2023

Arteixo pon unha pica en Flandes. Despois de rodarse no campionato de España, sobe ao chanzo máis alto coa proba inaugural das sete das que consta o mundial de trial. Unha cota deportiva nunca antes acadada.

Celestino Mouzo: "En Arteixo nunca se fixo unha competición a nivel mundial, é algo moi importante"

Grazas ao traballo dos membros do Club de Motomontañismo Arteixo, as distintas zonas de competición están listas para que os grandes referentes da modalidade, os españois Toni Bou, Adam Raga e os galegos Gabriel Marcelli e Jorge Corrales, dean comezo ao espectáculo.

Máximo nivel competitivo para a fin de semana, aínda que os pilotos xa se deixarán ver o venres nos adestramentos oficiais.