Bonmatí, a mellor xogadora para a UEFA: "Non permitiremos que se faga abuso de poder"

Na gala da UEFA en que se realizou o sorteo da fase de grupos da Liga de Campións elixíronse o mellor xogador do ano, Haaland, o mellor adestrador, Guardiola e a mellor adestradora Sarina Wiegman. O premio á mellor xogadora foi Aitana Bonmatí. Tras recoller o premio, a española lembrouse da súa compañeira Jenni Hermoso.

"Como sociedade non debemos permitir o abuso de poder nunha relación laboral nin as faltas de respecto. Jenny e todas as mulleres do mundo, estamos con vós traballando para que esta sociedade mellore".