En xaneiro abre o prazo para solicitar as axudas da Xunta para mellorar a imaxe exterior das vivendas
En xaneiro abre o prazo para solicitar as axudas da Xunta para mellorar a imaxe exterior das vivendas
O orzamento destas axudas duplícase ata os dous millóns de euros e están dirixidas a propietarios particulares
O prazo de solicitude abrirase a partir do 16 de xaneiro e os interesados poderán optar a achegas de ata 3.000 € para intervir sobre fachadas, cubertas e muros
A Xunta convocará en xaneiro as axudas a particulares para mellorar o exterior das súas vivendas e outros bens. Increméntase a dotación en 2026, duplicando o orzamento ata os dous millóns de euros e co que se prevé chegar a máis de 700 cidadáns.
As axudas están dirixidas a propietarios particulares para mellorar a imaxe exterior das súas vivendas así como a retirada de elementos adxacentes aos inmobles que prexudiquen a súa imaxe ou poidan causar algún tipo de impacto visual.
O prazo de solicitude abrirase o 16 de xaneiro e os interesados poderán optar a achegas de ata 3.000 € para intervir sobre fachadas, cubertas e muros. A conselleira de Medio Ambiente e Cambio Climático visitou hoxe unha desas vivendas reformadas en Arzúa.
