A Xunta cede 34 novas prazas de aparcadoiro de balde no centro de Lugo
Ábrese ao público o aparcadoiro do instituto Nosa Señora dos Ollos Grandes, reservado ata este mércores ao profesorado do centro educativo
A partir de agora o público poder utilizar o aparcadoiro do instituto Nosa Señora dos Ollos Grandes de Lugo os días de semana entre as 15:30 e as 23:30, agás os mércores, que estará dispoñible a partir das 18:30.
Durante as fins de semana, os festivos e o mes de agosto o seu uso poderá estenderse ás 24 horas do día.
En total son 34 prazas, aínda que sete delas estarán reservadas para o profesorado os días da semana.
Espérase que en breve se sumen outras 35 prazas de aparcadoiro para uso público e gratuíto, as do instituto Lucus Augusti, tamén situado nas proximidades da avenida Ramón Ferreiro, unha vía estrutural da cidade de Lugo dotada de servizos como supermercado, hotel, farmacia e varios centros educativos.
Os dous aparcadoiros está situados a poucos metros do centro histórico de Lugo.
Outros dous espazos da cidade, pertencentes ao Concello e á Deputación, xa funcionan deste mesmo xeito, ofrecendo as súas prazas de aparcadoiro a partir dun determinado horario.
.png)
