A Policía Nacional detén doce persoas por comprar en Internet billetes falsos fabricados pola Camorra en Italia

A Policía Nacional detivo nunha decena de provincias, entre elas Pontevedra, a 12 persoas que compraron pola Internet paquetes de billetes falsos de 20 e 50 euros fabricados por unha rede en Italia baixo control da Camorra napolitana que os distribuía en España, Alemaña e Francia a través de empresas de paquetería.

A Dirección Xeral da Policía informou este luns da operación Dominó, en que participaron axentes do corpo de Carabinieri de Italia e das policías alemá e francesa, onde tamén se han practicados arrestos.

En España foron detidas 12 persoas en diferentes localidades das provincias de Alacant, Badaxoz, Cáceres, Cádiz, Cantabria, Cidade Real, Córdoba, Logroño, Madrid, Oviedo, Pontevedra e Soria como receptores de paquetes que contiñan billetes falsos. A investigación iniciouse cando os Carabinieri alertaron sobre a venda de billetes falsos a través de Internet, en concreto a través dunha plataforma de mensaxería instantánea, na que poderían estar involucrados outros países, polo que Europol activou actuacións conxuntas.

Froito das primeiras pescudas, Italia constatou a existencia dunha rede que enviaba desde Nápoles paquetes con billetes falsos de diferentes valores –maioritariamente de 20 e 50 euros- a outros puntos de Italia, así como a Alemaña, España e Francia. En total detectaron 270 envíos nos últimos tres meses, a maioría con destino a Italia, pero tamén a Francia (43), España (12) e Alemaña (2).

Os compradores revendían os billetes ou introducíanos no circuíto legal

As falsificacións eran fabricadas en Italia baixo o control da Camorra napolitana, e unha vez producidos poñíanse á venda en Internet. As cantidades e os prezos variaban dependendo da cantidade e do número de pedidos, rebaixándose o prezo do produto en cada unha delas, en tanto que o pago podía facerse a través de transferencias por empresas de envío de diñeiro internacional, plataformas de pago electrónico ou en moedas virtuais.

Unha vez que o receptor tiña no seu poder a moeda falsa, este a revendía en pequenas cantidades, de maneira directa ou mesmo introducindo os billetes no circuíto financeiro mediante a compra de produtos de pequeno valor, o que se coñece como "goteo". Desta forma, ademais do produto comprado, o comprador obtiña o beneficio da volta ou cambio entre o custo e o valor facial do billete falso entregado.

En España os investigadores recibiron dos seus colegas italianos a información dun envío de pedidos de billetes falsos a tres puntos diferentes. Tratábase de tres paquetes postais procedentes da axencia investigada. Tras ser realizada a súa entrega pola compañía de paquetería ao interesado, procedeuse á verificación do seu contido e á identificación de todos os destinatarios dos billetes falsos.