A maxia de Yeremay comeza a dirixir o xogo ofensivo do Deportivo

Pouco contou a temporada pasada para Óscar Cano. Pero coa chegada de De La Barrera viuse que o canario Yeremay tiña algo distinto. Un xogador creativo, máxico, capaz de marcar as diferenzas en calquera categoría. 

No verán houbo cantos de serea, en especial desde o Vilarreal, pero o novo 10 branco e azul decidiu quedar en Riazor, a onde chegou en idade cadete procedente do Real Madrid. 

Ben é certo que o rival era moi inferior pero diante do Arteixo volveu a dirixir a ofensiva dos de Idiákez desde a banda esquerda. Asistindo, xerando, superando adversarios e marcando un gol de bandeira.