Publicador de contidos

Publicador de contidos

A lei de vivenda encara no Senado a súa aprobación definitiva

A lei de vivenda encara no Senado a súa aprobación definitiva

Tras a aprobación no Congreso hai tres semanas, agárdase que a norma se aprobe definitivamente ao non saír adiante ningunha das emendas presentadas no Senado

G24.gal 17/05/2023 08:16

O proxecto de Lei polo dereito á vivenda enfróntase este mércores á súa aprobación definitiva no pleno do Senado.

Considerada unha das leis estrela do Goberno de coalición, a nova norma entrará así en vigor en plena campaña das eleccións autonómicas e municipais do 28 de marzo, na que a política de vivenda está a ser protagonista.

Tras a súa aprobación no Congreso o pasado 27 de abril, grazas a un acordo do Goberno con ERC e EH Bildu, na Cámara alta non prosperará previsiblemente ningunha das 324 emendas parciais nin seis propostas de veto que defenderán o Grupo Vasco, PP, Vox, Cs, Navarra Suma e Junts per Catalunya.

Os socios de coalición sosteñen que esta lei, xunto con outras iniciativas que adoptaron, impulsan un cambio de modelo en España para considerar a vivenda como un dereito e non só como un ben de mercado.

A lei de vivenda faculta as comunidades autónomas a declarar zonas de mercado residencial tensionado e a limitar nelas os prezos do alugueiro.

Na sesión deste mércores agárdase no Senado un debate longo que se podería prolongar máis alá das cinco horas.

Publicidade
Publicidade
Publicidade
Publicidade