Prisión incondicional para o home acusado do ataque xihadista de Alxeciras

O xuíz da Audiencia Nacional Joaquín Gadea decretou prisión incondicional para Yassine Kanjaa, detido tras asasinar o pasado mércores a un sancristán e ferir catro persoas en Alxeciras.

O xuíz acúsao dos delitos de asasinato e lesións con fins terroristas, que poderían carrexar unha condena de prisión permanente revisable.

Yassine compareceu este luns durante case dúas horas ante o xuíz e respondeu ás preguntas do fiscal Emilio Miró e da súa avogada.  Polo momento non transcendeu o contido da declaración porque a causa foi declarada secreta.

Gadea considera que os indicios recompilados sustentan que a actividade desenvolvida por Kanjaa pódese cualificar como un ataque yihadista dirixido, tanto contra sacerdotes católicos coma contra musulmáns que non seguen os preceptos do Corán.

O detido é un mozo marroquí de 25 anos que estaba pendente de expulsión tras entrar irregularmente en España en 2019,