A CIA determinou que os leais a Maduro garantirían mellor a estabilidade que a oposición

A decisión do presidente dos Estados Unidos de apoiar a vicepresidenta venezolana, Delcy Rodríguez, en lugar de á líder opositora María Corina Machado tras a captura de Nicolás Maduro, baseouse nunha avaliación clasificada da CIA e no asesoramento de altos funcionarios como o secretario de Estado, Marco Rubio, segundo informaron The Wall Street Journal  e The New York Times.

A análise da CIA determinou que figuras clave do chavismo, incluída Rodríguez, poderían manter a orde, mentres que a oposición -liderada por Machado e Edmundo González, amplamente considerado como o verdadeiro gañador das eleccións de 2024 contra Maduro- tería dificultades para gobernar.

O New York Times engade que, ademais do informe de intelixencia, a postura de Rubio foi determinante. O xefe da diplomacia estadounidense argumentou que apoiar á oposición podería desestabilizar aínda máis o país e requirir unha presenza militar estadounidense máis robusta.

O medio apunta que este xiro puxo nunha situación difícil aos congresistas republicanos de Florida, como Mario Díaz-Balart, quen se viu obrigados a reiterar o seu apoio a Machado.