A Asociación de Escritoras e Escritores en Lingua Galega o Día de Rosalía de Castro

A Asociación de Escritoras e Escritores en Lingua Galega conmemora, un ano máis, o Día de Rosalía de Castro. O 23 de febreiro é a data do aniversario do nacemento da escritora galega e a Asociación, como cada ano, leva a cabo diferentes actividades por toda Galicia.

Na mañá deste sábado, en Santiago de Compostela, foi lido o manifesto redactado por Carlos Callón no Panteón de Galegos Ilustres. Entre os asistentes estaban o secretario xeral de Política Lingüística, Valentín García, e o dirixente do PSdeG, José Ramón Gómez Besteiro.