'O médico dos pobres do Incio', só o coñecemento da historia dará paso á paz
Manuel Díaz González, o Pequeniño do Incio, médico rural e alcalde republicano, foi executado polos falanxistas en setembro de 1936
En xuño abriu as portas a Casa da Memoria, un espazo de creación en lembranza de Manuel Díaz
O documental O médico dos pobres percorrerá ata decembro a provincia de Lugo nun ciclo de proxeccións
Ao atardecer do 11 de setembro de 1936, sen xuízo nin sentenza, foi fusilado nunha cuneta, fronte a un centenario castiñeiro, o doutor Manuel Díaz González, o Pequeniño do Incio. Este feito é o eixe do documental O médico dos pobres, que este sábado foi presentado en Lugo.
O documental vai percorrer agora varios concellos de Lugo e hoxe imos falar non só desta historia, senón das repercusións que deixou ese asasinato co director da cinta, Federico Rioboo e Patricia Castro, da asociación A memoria é náufraga, produtora deste filme.
