Manuel Gago: "Por primeira vez en Galicia, Ferrol valoraba máis o talento ca o bo berce"

No século XVIII Ferrol era a cidade máis poboada de Galicia, alí se fixo a primeira alameda pública ou o primeiro cemiterio civil. Ferrol no tempo é a segunda das exposicións que se farán nas cidades galegas lembrando a súa historia. En plena candidatura da cidade departamental para ser patrimonio mundial e porto da ilustración, ábrese na cidade esta mostra, da que falamos co seu comisario.