José Miguel Andrade revélanos como era a vida nos mosteiros medievais galegos

Da man do noso colaborador experto no Medievo, José Miguel Andrade, falamos da vida monástica en Galicia. Dende os mosteiros dúplices nos que convivían homes e mulleres ata os oblati, os nenos que vivían recluídos. Tentaremos comprender por que os grandes aristócratas dos séculos X-XI fundaban estas comunidades, e as diferenzas que había entre Cluny, Cister, agostiños... Os mosteiros eran centros relixiosos pero tamén lugares de ensino e cultura, hostais e hospitais, asilos e lugares de memoria.