'Facendo Plus' fai balance de dous anos de I+D sobre o vehículo do futuro

O Consorcio publico-privado que lidera Stellantis para camiñar cara ao vehículo do futuro acada o seu ecuador. Xa logrou un investimento de 13 millóns de euros e case 60 patentes destinadas a transformar a industria da automoción coa aplicación de innovación.

É o proxecto 'Facendo Plus', co que colabora a Consellería de Economía e Industria a través de fondos europeos. Logrouse que innovacións deseñadas e probadas en Vigo estean sendo usadas noutras factorías do grupo Stellantis en 130 países do mundo.