Cargando resultados...
Os cadernos escolares da República do mestre represaliado Bernardo Mato
Os cadernos do mestre Bernardo Mato e do alumno Antonio Rial acaban de publicarse na editorial Alvarellos
A investigación foi de Miguel Paz e Victor Santidrián e o prólogo é do pedagogo Antón Costa Rico
G24.gal
09/12/2022 16:32
Situámonos na Segunda República, unha época de renovación no ensino. A editorial Alvarellos acaba de publicar uns cadernos escolares que ilustran as arelas modernizadoras daqueles anos. É o traballo de dous profesores e investigadores, Miguel Paz e Victor Santidrián, que non queren que caia no esquecemento o esforzo de tantos mestres da República convencidos do poder transformador do ensino.
