Oficinas ateigadas para solicitar o voto por correo
Oficinas ateigadas para solicitar o voto por correo
Ata onte xa se chegara aos 2,4 millóns de solicitudes, segundo os sindicatos de Correos
Os que solicitaron o voto postal, fagan ou non uso del, non poderán acudir a un colexio o domingo 23
Correos abrirá a fin de semana as súas oficinas para facilitar o voto por correo
A época das vacacións provocou unha avalancha de solicitudes do voto por correo. As oficinas seguen a recibir centos de persoas a dez días das eleccións.
En España rexistráronse 2,4 millóns de solicitudes e en Galicia achéganse ás 109.000, cifras que seguirán en aumento porque a unhas horas para que remate o prazo as oficinas seguen recibindo peticións.
As peticións de voto por correo multiplicáronse, o que obrigou a Correos a reforzar o cadro de persoal con 19.400 novos contratos, que segundo os traballadores non chegan para facer fronte á avalancha de solicitudes.
Para aliviar o atasco, Correos amplía os horarios de atención ao público nas oficinas, que abrirán de oito da mañá ás dez da noite e o sábado e o domingo en horario de nove a dúas da tarde.
O prazo para votar remata o día 20 e moitos aínda agardan que lles chegue a documentación á casa antes de marchar de vacacións.