Ser cabeza de serie na Eurocopa, o reto para España en Chipre
Ser cabeza de serie na Eurocopa, o reto para España en Chipre
Coa clasificación no peto, os de Luis de la Fuente intentarán asegurar a primeira posición do grupo
Coa clasificación para a Eurocopa xa selada, e á falta de dúas xornadas para pechar a fase de grupos, España mídese a Chipre. O obxectivo agora é manter o liderado para ser cabeza de serie no sorteo. Chipre, sentenciada dende hai tempo, é, a priori, un rival máis que accesible. Pero Luis de la Fuente non reduce a esixencia.
O seleccionador ten todos os xogadores dispoñibles, tamén a Gayá e a Ferrán. E sobre todo a Oyarzabal, no seu mellor momento tras unha longa lesión.
É o momento, dixo o seleccionador, de que España amose o potencial de que dispón con vistas á Eurocopa. A selección non se sente favorita, pero confía nas súas opcións no torneo.
Agárdase cheo no Limassol Arena para ver o partido. Chipre, goleada ata cinco veces nesta fase, é última de grupo con cero puntos tras sete derrotas.