Villares: “Dende a derrota coa Cultural cambiamos o chip"

Son 13 as xornadas que o Deportivo suma sen coñecer a derrota. Precisamente, 13 xornadas que pasaron desde que o equipo branquiazul pechase a primeira volta en León cun doloroso 1-0.

Desde entón, 11 vitorias mediante, o equipo branquiazul escalou ata vivir comodamente no liderado, pero co recordo daquel resultado aínda en mente.

Así o confirma Diego Villares, que espera vivir un gran ambiente en Riazor neste tramo final.

“Foi o último equipo que logrou gañarnos e por esa parte pode ser unha boa reválida. Desde ese día cambiamos un pouco o chip e iso tamén pode axudar neste partido de agora”.

Villares mostrouse feliz polo máis que probable regreso de Lucas Pérez tras catro semanas ausente por lesión.

"Estou encantado de que Lucas poida levar o brazalete. Esperemos que poida estar ao cen por cento para a fin de semana", dixo.