As protestas dos agricultores deixan varios feridos en Zamora

Varias persoas feridas, entre elas nove gardas civís, e dous agricultores detidos é o balance da violenta protesta desta noite en Zamora.

Os manifestantes tomaron a autovía A-6 ao seu paso por Benavente, onde chegaron a cortar o tráfico e mesmo guindaron pedras contra algúns camións e  queimaron pneumáticos. Para tratar de disolver a concentración, os axentes empregaron gases e dispararon pelotas de goma. 

Amais, este martes os tractores rodearon a sede do Goberno vasco, en Vitoria. Denuncian que as súas demandas non obtiveron resposta e que as políticas non defenden as explotacións familiares.

Tamén en Cataluña, Unió de Pagesos convocou unha concentración diante do Parlamento catalán coincidindo coa celebración do debate sobre agricultura.